Les jardinsles surnoms (1)
par nounours-94 le, 27/08/2007au 3 de Bruay, y in avot eun' paire qui in avotent des surnoms
y avot chuchette in l'app'lot comme cha, parce qui chifflot toudis din ché rues, in l'intindot arriver du bout d'ech coron
insuite y avot topicenclo i restot dins z'un chalet dins l'rue d' la Cavée pourquoi in l'surnommot comme cha personne l'a jamais su
insuite y avot sogalot chétot l'idiot du villache, combien d' cops qui nous à arpoursuivi parce qu'in l'faisot inrager
et pis y avot cul bénie, chétot eune femme, in l'surnommot comme cha, parce qu'al' étot toudis pindue à l'églisse saint Martin et qu'al' allot à tous chés z'interremints (ché veridique), presque tous les jours quand t'in l'véyot passer habillée in noir avec sin sac à main in disot tiens aujourd'hui y a un interremint.
ch'étot l' bon temps mais cha nous rajeunit pas tout cha !!
Y'avot des surnoms qui n'étotent point marrants pou cheu qui les portotent: i z'avotent trait à des défauts ou ben à des manies ...
dins l'cité Maroc à Grenay, y'avot eune "Marie Toutoule" et eune "Marie Crapette" (fachile à comprinde el raison!).. ches surnoms i z'étotent tellemint imployés qu'in savot même pu leu vrai nom... et queque fos , ch'a pouvot ête imbarrassant; j'em' souviens d'el "grande glaine" et d'ech' "grand caudin"! et in a tous connu "l'fier-cul" d'el coron ....
