amettes

marie claire ale éto à amettes hier, ale m a invoyé de très belles photos, qu in va attinte sin r'tour pour les met' sul' site
j avo un souv'nir mystérieux quand j y suis allé, j' devo avoir 6 7 ans, in avo été quéqu' part, et in a passé là avec mes parints et mon monnonque et mamatante
j avo trouvé cha bizarre, i faijo soir , et d'rintrer dins l' mason natale de st benoit joseph cha m avo intrigué, pour mi ach' t époque là , chéto sombe , i avo rin a vire

j y suis artourné y a eune paire d années , amettes ché pu un grand pélerinache comme y avo dinl' temps , pisqu on y v'no du départemint à pied
j' me souviens que Clara, l' cousine à min père, ale parto du 2 d' bruay pour y aller à pied, am' diso que les gins is' denotent rendez vous in bas du quartier , ou avec des connaissances, et qu in cours d' route , in récupéro d autes connaissances et qu in monto en procession jusqu à amettes, am' diso que l'cote ed divion pi aprés celle qui permet d arjointe l' bout d auchel ale zétotent ardues à grimper, qui i avo des haltes d' prévues , et qu' tout l' monte i éto bin contint d arriver à amettes
mi , j l a fait ch' parcours là i a plus d eune vingtaine d années, mon diu que l' temps qui passe vite, j avo décidé d aller rent' visite à Clara qu ale éto in maison d artraite justemint à amettes
achteure cha fait plutot désuet, i a un chemin d' croix tout l'long del déchinte qui permet d arjointe l' mason du qui est né
et pi y a tro quat' ans j y suis artourné in carette avant d ' continuer sur fruges , et j a vraimint observé l habitat, les conditions d' vie qu avotent nos taions y a pas si longtimps qu' cha
et j su contint qu' marie claire a l y a été, cha m a permis aussi à mi sans bouger d' min fauteul, d arvire un coin que j ai ker magie de l internet