devoir ed vagances

bon ché pas tout cha mais zallez avoir des devoirs ed vagances , oh j in vo qui comminchent déjà à saquer leu nez, à artirer del poque ch' sac à nasses pour s' mouquer d' dins, du genre à dire oh cha m' plait pas
bin faut quand meme les faire, donc cha va et' eune révision d' l histoire de france, qu in va commincher et meme tout d' suite

ch' précisse qui aura ché photos quand que marie claire al' s'ra arvénue d sin péripe dans l' nord pas d' calais

dans ché lives d histoires de france y a des figures incontournapes les gaulois ,clovis , charl'mane, les croisates , francois premier, pipo et mario, ouais richeyeu et mazarin, louis quatorsse, la révolution, napoléon premier , l' guerre d algérie mais celle del conquete, la guerre 14 18 celle ed 39 45 et "l av'nir"

in va commincher par ché gaulois, pasqu on parlait pas beaucoup des hommes préhistoriques, on parlo bin des mamouths et d' tout cha , mais chéto pas dev'loppé

par conte ché gaulois ah ouais, faut s' dire que ché liffes d histoires écrits aprés l' seconte guerre mais meme avant faut dire, y a quand meme un fil conducteur ché d' valoriser not' histoire (zavez vu parler d' vichy in long in larche in travers , chéto tabou et cha l est cor un peu aujourd hui, in tout cas in a pas ker parler d' certaines périotes dont les plaies sont pas cor arfermées complét'mint)
bon j arviens à nos gaulois, "nos zancétes étaient les gaulois" pour tout l' monte, pour nous ichi, mais aussi dins ché liffes d histoires ed l A O F et d' L A E F , pour ché plus jones chéto les deux grantes régions d afrique qui étotent sous quoi d ailleurs, in pourra dire, l occupation, la tutelle, la colonisation françaisse selon ses convictions
j arviens a mes gaulois, ah i zétotent bio, i nous arsemblotent qu in nous diso, raleurs, buveurs, pas toudis organisés pour aller au combat mais quand meme des sacrés inventeurs, le tonneau mes gins , le tonneau, pi l' cervoisse qu aprés bin des sieques aprés in a fabriqué l' valstar , souvn'ez vous de chte bibine là ......
alors chéto nos zancetes beaucoup i zétotent blonds , ah y a du avoir un sacré toullache aprés pour qu in so chatain, ou brun foncé
chéto des guerriers , fiers ed leu sol, i vivotent dans la nature, avec des villaches avec des huttes rontes (là y avo les liffes d astérisque qui nous servotent ed support d' compréhension)
des guerriers , d' zhommes forts, bin in peut et' fier d' avoir cha comme ancetes
mais i zavotent des défauts , i zétotent batailleurs , comme la dit pas organisés pour aller au combat
alors quo qui s' passe, in nous dit que nous ichi in avo des provinces prospères et qu cha alo attirer ché romains par ichi
j'me souviens "comparez les armements et la discipline des deux troupes" in voyo ché gaulois, un par chi avec eune hache, un aut' avec eune épée, un aute avec un grand bouclier, l aute avec un pitit, et d' l aute coté ché romains, ché comme chi i zavotent passé leu commante au cataloque d' la redoute, vu qui zétotent habillés tous parels
in a vibré à l arrivée d' vercingétorisque, à s' n idée ed rassembler tout l' peupe gaulois inter ché romains, in a vibré aprés l' batal'ed gergovie, in a tous été décus à alésia
ah alésia, tin a fait braire ed jones zécoliers, et vercingétorisque qui vient s' rinte mais avec les honneurs, ah ch' t imache là in l a tous in tete .........