Clara

Clara , l' cousine à min père, radio Bruay in auro pu l ap'ler
pas d' médisances, nan , mais ale connaisso du monte, quand qu on savo pas in dijo in va d'minder à clara quand qu ale va v'nir
quand que m'mère ale li poso l' question sur telle ou telle personne, Clara al' répondo du tac au tac "ché l'file untel, sin père chéto l' fils untel et s' mere chéto cha sin nom d' jeune file, i zabitent tel quartier, li y fait cha comme profession " chéto recta
faut dire que Clara, ale avo toudis travailé a Bruay , et d' tout temps al' s a déplacé a pied
ale habito au 2 mais elle travaillo au 5 au bout del grante line droite, cha faijo quand meme eune trotte , mais ale a toudis traversé d' part en part bruay
faut dire aussi , c'qui explique qu ale connaisso du monte et bin bruay ché qu ale éto issue d eune famile du qui avo à chaque génération au moins eune dizaine d infants , donc inter ché anciens, ché cousins cousines, ché freres ché soeurs, ché n'veux, ché nieces ale allo dins tous ché quartiers d' bruay , et si t avo un doute sur eune rue du qu ale éto 3615 Clara , t avo l' réponse tout d' suite aussi
meme artraitée, ale éto toudis in route dod'linant su ché trottoirs , ale avo du maux a marcher "ravisez mes pieds odette" qu ale diso am' mère, ché vrai cha débordo des chaussures, "et pourtant ché des chaussures espéciales " mais cha l impécho pas d'marcher quand meme , avec ses grands cabas d' chaque coté
comme ale éto toudis in vadroule, ale alo au marché d'el plache marmottant du qu ale acato toudis plein d' fruits , qu ale distribuo à chacune ed ché visites , quand qu ale arrivo al' mason, ale ouvro sin grand sac, du qu ale tiro eune paire, nan au moins un kilo d' pommes , d' zoranches, pi un lit' ed jus d' raisin pour mi
Clara al' pouvo pas arriver quequ' part sans donner quéquosse
pour nous l' 6 ou meme l' 3 in croyo les connaite, mais ché pas in passant in carette qu in conno un quartier
Clara ale faijo tout à pied
et ale allo souvint rinte visite à ses n'veux et nieces qui habitotent al' cité 30
connaissez pas l' cité 30 ? bin ché nin l'porte à coté quand que t habite au 2 pi y a eune sacrée cote, l' cote du 3 à monter "djà del monter ché pas facile, mais odette , l' déchinte, ché cor pire am' n ache"
min père i allo l' querre pour aller al' messe quand qui avo del neiche ou qui glicho, sans quo , allez in route , ale metto s' voilette sus' tiete, sin mantio a col ed fourrure, sin sac a main et in route .....