parler patois cha fait d' z'illettrés (7)

Mi y a quetcosse que j'auros ker à savoir ch'est commint i évolue l'taux d'illétrisme dins l'population françaisse par rapport à ches précédintes décennies
Ch'est vrai qu'avec l'école obligatoire jusqu'à 16 ans in n'peut pas comprinte que cha s'rot in augmentation
nou grands pères i partotent travailler à l'mine à 12 ans voir plus tôt et l'plupart n'étotent pas illettrés
Donc j'arviens toudis à ches méthodes d'inseignements in règue générale et à ch'niveau scolaire , mais ch'est un aute débat ... et l'lecture qui fait pu partie d'leu activités

Par conte j'a un peu caché hier sur el net, faut bien faire aussi el différince intre illettrés et analphabètes
un analphabète ch'est ch'ti qui est incapabe d'lire, d'écrire et d'compter
et cheux qui sont considérés comme illettrés ont quand même des capacités d'lecture, même si ales sont difficiles et un peu d'écriture avec un vocabulaire pu restreint
In estime j'a lu queque part qu'un jone qu'in considère illettré connot inviron 800 mots alors que l'moyenne cha s'rot 2500
alors forchèmint cha leu facilite pas l'expression parlée ou écrite, et ch'est comme cha qu'in arteuve des mots et des expressions bateaux partout qui veulent tout dire et leu contraire et tout est banalisé
Mais ch'est quand même grafe tout cha passque ches "illettrés" ont tendance à s'arplier su eux-même, intre eux, l'début d'l'exclusion quoi, j'a même lu eune expression qui peut faire peur, des espécialistes del linguistique parlent "d'autisme social" du à chés difficultés d'expressions
bon j'cros qu'in n'impéch'ra jamais complét'mint tout cha, mais pour arvénir à note débat in n'comprindra jamais non pus l'rapport avec el patois, ou alors in n'parle pas non plus l'même langue que ches journalistes ...