à mon chez Leroy

mr Leroy i avo un tchiot magasin rue florent evrard , pi aprés i a v'nu s installer dins l' rue anatole france al' plache del ' boulang'rie Bouton

in avo l' cho rue anatole france , in avo deux boulang'rie presque cote à cote, que si t allo querre tin pain ché bouton, chez maréchal il' le voyote

ch' magasin i a ténu eune paire d années pi cha a freumé, et ché mr leroy qui a v'nu installer sin magasin d' légueumes
j avo oublié del préciser au début vu qu' pour mi chéto évident , mais y a pas qu' des gins du 2 bis ed bruay qui viennent such' site ...alors escusez me ed pas l avoir précisé
mr leroy chéto un précurseur, i faijo des présentations d' fruits, d' légueumes, des étalaches , qu in vo cor achteure que dins ché grantes boutiques espécialisées dins certains quartiers à paris , ouais mes gins , rin qu' cha
i faijo attention à chaque fruit ou légueume qui avo in vitrine, et pouvez et' sur qui avo pas un fruit taché, eune tomate qu ale faijo flagada , nan, i raviso cha tous les jours, et vraimint dins l' détal
ché fruits et légueumes i zétotent plus chers qu au marché, cha chéto sur, mais rin que del qualité
et mi mr leroy j' l avo ker, et cha armonto au temps du qui éto cor installé dins l' rue in bas del rue d' fourchambault

un coup in y va avec m' mère et là m' mère ale avo payé, et mr leroy i m avo d'mindé aprés si j avo ker ché kériches , mi j avo dit ouais, et là i in avo pris eune pognée complete, misse ed dins zin sac in papier et y m' les avo donné
bizarre comme cha mes gins qu in arriffe a s' souv'nir d un ttchiot geste comme cha pu d' quarante ans aprés , preuffe qui faut pas avoir peur d ' ete généreux ..........

dins sin magasin, i avo tro personnes qui servottent, mr leroy, s' femme , qu ale éto aussi ronte que mr leroy i éto maigue, et i avo monique ..............
tro personnes gentiles, tro personnes au service d' leu clients, mais mi j éto toudis bin archu par monique , l' employée
monique , chéto l' copine ed classe ed mes soeurs, cha veut dire que chéto pas l' meme génération, i a bin 14 ans inter mi et m' grante soeur et 11 avec l' aute

mais ché comme chi j' bénéficio del meme gentillesse

monique ale éto toute maigue toute fluette, mais toudis l' sourire aux leffes ........

les années ont passées.......monique est décédée, cor jeune ale devo avoir 54 ans
madame leroy ale est décédée aussi
mr leroy i s est artrouvé tout seu et ch' magasin i l a freumé

pi un jour , y a pas si longtemps qu' cha, j a appris que l' soeur à monique ale allo s occuper du ménache dem' mère, et j' do vous dire qu à chaque coup que j' el rincontre , j' su vraimint troublé par ch' te femme là, j a tel' mint l impression d'cor vire es' soeur que j' su toudis dins mes ptits souyiers quand que j' la vo