Les jardinsla surdité au fond
par potié vital le, 20/06/2007un mineur est forchémint sourd les décibels des machines à air sont phénoménales
l'pire d'tout au fond pour mi ch'étot le convoyeur à raclettes dins l'talle
j'ai été eune paire d'mos à l'tête d'tale in temps que galibot à surveiller un blindé i fallot quelqu'un in permanence.
ch'blindé l'motrice al étot à air. i s'appellot AMD3
cha sert à rien de la ramener quand in à fait 4ans et demi d'fond, comme dijot min cousin t'as toudis eu des plaches de merde au fond et ête à l'tête d'talle ch'étot eune plache à cha
le bruit de ch'moteur infernal
ch'ti qui concevot des machins comme cha in étot qu'du brin pour li, et un mineur ch'étot qu'un outil d'production rien d'plus.
si dins vos musées vous avez des machines à air i s'rot bon qu'in vous les fache intinte, les vire ch'est rien
les treuils à double tambour in adorot cha mais l'bruit in l'intindot pas du momint qu'in l'faichot aller y avot qu'cha qui comptot.
à 50 ans j'ai été faire un bilan d'santé ch'étot gratuit mais cha m'a pris eune demi-journée quand j'ai passé à ch'l'apparel pour vire si j'étos sourd, i faijotent aller l'manette et j'intindos rien plus 70% sur eune orelle
à d'main j'vous raconterai la suite
au musée d' Lewarde in nous fait intinde l'bruit d'eune machine, mais j'em souviens plus de l'quelle , ch'étot vraimint terripe, in intind aussi l' triczine ch'est fort bruyant aussi
alors un bruit parel pindant tout un poste, associé al caleur et l'poussière, j'a l'impression qu'i n'a pas gramin qui accept'rotent ed travailler dins des conditions parelles ach't'heure
