visite al' phramacie

allez mes gins in artourne al' phramacie rue anatole france, tchiot mi cha m impressionno d' y rintrer, d abord té devo monter eune paire ed marche pour arriver au niveau del porte, pousser l' porte et là t intindo ch' carillon qui bougeo au d' sus del porte
sul' coté eune balance avec sin cad' tout rond et l aiguile d' sus , ah té pouvo essayer d y monter, d abord fallo oser, mais meme si t y arrivo l' balance ale eto bloquée d' exprès, chéto pas marrant
mais cha chéto rin, d' abord quand t allo al' phramacie, t avo deux types ed comport'mint, surtout pour ché garnoules, ah zallez dire que j' fais cor du sesquisme, mais in tout cas ché les souv'nirs que j a
y avo celles qui racontotent leu malheux tout in long in larche in travers ach' phramacien, là fallo pas et' al' presse mes gins ...
té suivo tout, l' tension, si ché varices cha allo, si l' pommate que ch' docteur i avo donné ale avo marché ou pas, té pouvo suiffe comme cha tous ché problemes ed tuyot'ries, d' sang, ed caud a lestérol, sans parler du diabette... sans oublier qui donnotent leu avis such' med'cin traitant, trop mou, faut pas et' pressé avant qui vienne buquer al' porte , ou alors i avo dit ch' vigin i avo telle maladie et in fin d' compte chéto pas cha ......et pindant ch' temps là ch' phramacien i préno l' tiete d' circonstance, i éto comme absorbé par l' babillache ed grand mère, pi aprés quand qui voyo qui y avo l' queue, i s essayo à couper l' parole a grand mère pour qu in puisse cor rintrer et pas laisser des gins al' porte déhors
aprés i avo ché gins qui donnottent ch' carnet freumé, i qui parlotent te pas, alors là ch' phramacien i cangeo d' tiete, i éto aussi graffe mais i préno ch' carnet comme si chéto secret défense , i donno ché médicamints et si y avo eune question a poser i s' rapprocho tout douch'mint et i parlo a voix basse avec ch' patient , rin a vire avec ché zautes personnes, du que là cha s'rapprocho du marchand d' légueumes, "eh madame untel, j' vous in mets combien " ou alors " vous verrez ché vraimint efficace pour vos ortios"