Les jardinsL'écho du terril Simon
par TIOT RITAL le, 01/06/2007L'ECHO du terril Simon
Bolek s'vantot din l’estaminet,
d'ses vagances passées dins les Pyrénées.
Là vau, existot un rare phénoméne,
qu'in n'véyot mie dins no plaines :
I disot : - « Si té cries fort eine parole,
J't'asseure vrémint qu'cha t’fait tout drôle,
in intindant du fin fond de l’vallée ,
l'même parole répétée in décalée !
Ch'est chu qu’les gins d'là-vau apell'té ' écho ! "
- « Té nous prinds pou des biec bos !
dit Yfes, in n'a mie soin daller si lon ,
Bé, i n'd'a un ichi ! Au terril Simon !
A ch't'heure, i fait tard, viens d'main soir,
aprés t'jornée au pied du terril noir ,
té verras qu'in a aussi not' écho ! "
In rit, in s'améfie du drôle ed coco !
In advine qu'Yfes i'a eine idée,
pou faire eine farche au polonais .
Les comarates dallés, Yfes i vot s'névu,
l'tiot Eric, qu'i n'avot mie frod aux yux
- « Acoute gamin, d'main soir, l'école finie,
t'iras t'mucher au pied du terril. !
Là, quaind j'crierai eine saquoé,
Té l'arcrira mot à mot, j'vas dire pourquoé ! "
L' lind'main, Yfes, Bolek, ses compagnons,
s'rintent insanne à l'indrot dé l’réunion.
Comme l'iair est fine, avant d’daller ,
i chuchent quéques tornées au cabaret !
Bin tard, el companie arrife au lieu dit.
Yfes i raque sin gasiau in fu et crie :
" Echo, t'es là ? " Alors’, oh stupeur !
In intind l'écho inroué crier in fureur :
" Ed pus tros heures, bante d'abrandoulle !
Ej' sus chi à m'ing'ler les boules ! "
Tiot Rital
Bonsoir à tous, cha m'a plu ch'histoire de ch'tis après l'première lecture j'a eu un peut d'mal al lire, i m'a r'fallu un' deuxième fo et j'ai bin apprécié, l'écho i étot fameux.
