Les jardinsRC Lens du pire au meilleux
par minloute le, 27/05/2007si in vo ch' clas'mint cha s' ro plutot l' contraire, dins ché tro premiers durant presque toute l' saison, i pertent tout lors del derniere journée
mi j' le vo pas comme cha, j a ravisé hier ch' multiplex sur canal plus et in a connu d abord ch' pire
quand qu in vo l' taccle qui fait ch' jueur qui s'fait expulser juste aprés, teut' dit, i sont in train d' péter un cabe
mais l' pire y est à v'nir , ché jurnalistes i laissent entendent qui a des supporters d' lens qui sont v'nus à troyes que si lens i gane pas , i vont invahir ch' terrain , pour avoir match gagné comme a eu toulousse l' semaine derniere cont' nantes
l' seul truc qui zavotent oublié, che que meme si zavotent fait cha, ché le rc lens qui auro été sanctionné
drole ed fin d' matche , pi là , ch' meilleux y a arrivé, interview ed gervais martel , ch' président du clup ed lens, chéto clair, i a pas brait sur ch' match , i l a dit ché del faute aux jueurs et i zaurotent pu et' tranquiles i a eune paire ed journées d' championnat djà, au lieu d' tout miser sur l' derniere journée
l' taccle ? gervais martel i s a pas débiné, chéto inadmissipe
aprés i z y ont d'mindé si i allo faire un r'cours cont' ché points attribués à toulousse sur tapis vert, y a coupé l' discussion " mi j ' su pour l application des réglements, alors j' f'rais pas d' reccours "
dans la défaite, i a su rester proche d' ses valeurs
et heureus'mint qui a réagi comme cha sinan l' rc lens i m auro vraimint décu
