Les jardinsmon père avec s’salopette bleue
par kiki le, 25/05/2007Quand in partot in vacances, min père et même al mason, il l’avot toudis sur li s’ fameuse salopette bleue et in plu d' cha i n’avot pas qu'enne , vous pinsez bin.
Cha ch’étot in’ habitute qui avot pris avec m’ n’onque Christian, ch’tot li aussi un ancien mineur d’ fond , et qui z’avotent bossé insanne et pis m’ n’oncle et m’ tante i sont partis dins l’ midi à Decazeville et li y a travaillé avec sin père comme chauffagiste et nous in allot in vacances là bo.
Et comme m’ n’oncle chétot un péqueu , in partot tous les cinq ed bonne heure l’matin avec ech l’attirale ed péque et in route vers les riviéres d’ l’Aveyron pour passer in’ bonne journée au bord del l'iau .
Après un’ bonne péque fructeuse , arrive l’heure d’minger nos estomac i comminchotent à crier famine, ech barbecue i étot d’rigueur car chétot l’friture assurée avec m’n’oncle et in s'régalot avec chés pichons in passant d’bons momints insanne .
Insuite in fo ch’repas fini, ch'étot l’corvée d’vaisselle , in y arrive avec l’photo , j’ n’ peux que penser à lui en la voyant , avec es' salopette bleue, i étot d’corvée d’flotte et in l’vot arvenir, tout sourire et ses yeux bleus rieurs in portant l’bassine d’iau qui avot été querre au bord del rivière et bin j’ peux vous dire qui étot pas rassuré d'y aller, parce que m’ noncle y étot toultimps intrain d’y faire des farces.
Chés souvenirs là i z’armontent des années 60 et ch'étot l’bon timps des vacances in famille. In pinsant toudis à m’in père et a m' n'oncle, j’ vous dis Adé mes gins.
( 1 photos) 
