Les jardinsramasser ché patates
par roger le, 07/06/2005Din l'temps chez sinciers i cachotent de l'main d'oeuvre pour ramasser leurs patates din leur camp, car i n'avote pas ch'matériel adequat pour cha!
Mi et mes frères in i allot, malgré qu'in étot jone et in plus chétot pindint les grandes vacances, in étot payé 50 francs du sac de 50kg, attention 50 anciens francs, ou 0,08 centimes d'euros, in pouvot fair' cha 15 jours in suivant, et chétot nin déclaré.
Cha faisot un tiot pactol, et qu'un étot fiers et d' nous, donner cha à note mère, cha mettot du burre din chez épinards, et des patates, les plus grosses, in les camouflos, et quand ch'camp i etot fini in pouvot aller glaner pour nous, l'sincier i laissot faire, alors là in allot les récupérer,
et stocker cha à l'cave pour l'hiver, chétot cha pour eun' partie mes vacances.
