Bruay mai 2007 arrivée à Béthune

cha y est , ch' train i s a nin arrêté dins ché tchiotes villes, directemint d' lens à béthune
là déjà quand qu' té sort dech' train, t as tous ché finqueux , dont mi, qui n alleument eune
in déchint dinch souterrain, comme des fourmis pi in armonte ed l aute coté à l extérieur ed la gare

là premier choc, y a pu rin du qui avo ché zautobus artésiens, tout y est rasé
faut dire que l' dernier coup que j a v'nu in voyo bin qui y avo pu rin d' dins, grand garache vite à perte ed vue

bon que j' me dis , j va aller printe min bus juste en face du qui a ch' l arret, j' va n in profiter pour acater min ptit pain au chocolat, nan, ché freumé définitiv'mint

bon que j' me dis, meme à béthune cha ferme sec ché commerces
à l arret d' bus, toudis les memes personnes, enfin j' dirai plutot l' meme genre, jeune coupe avec eune poussette, tro quat' dames seules qu ale vont printe ch' bus pour aller au traval, deux tro jones aussi

c' qui m ' frappe à chaque coup que j' viens, et toudis j' le dis sans moqu'rie, ché d'vire l' habillache des gins, j a vu passer deux gamines qu ale zétotent habillé "à la mote" mais in vo bin que ché pas d' la marque
nan, in sint qui a eune grante partie des gens qui ganent te pas grinmint , et mi cha m' saute aux ziux à chaque coup

cha y est ch' bus i démarre, ché l' nouvel' line i zappellent te cha "la bulle" , ché un bus que t as tous les vingt mineutes , au lieu d' toutes les d'mi heures

i sort d' béthune, fait un crochet sul' coté, pi i arprint l' ancienne nationale , passe à hesdigneul, print eune paire ed personnes au passache, pi arriffe la porte nord , mon cora , et là t as les trois quarts qui déchintent, i ardémarre , in traverse l' bussiere, les quat' chemins, nous vla in haut del rue anatole france, ch' buque such' bouton, ch' bus i s arrete à s' n arret, j' déchind et comme tout l' monte i fait, j' dis ar'voir, ché bin cha qu' cha reste
et vla l' mason