el tarte ale rhubarpe

Ecoutez mes gins , j' viens d'lire l'sujet sur eune plante décoratiffe ! et bin j'peu vous dire qu' l'net i doit avoir des yeux d'vant chés écrans, car la photo que j'vous met , vous allez vous régaler, j'avos bien ravisé d'ssus l' site si in avot parlé d'el rhubarpe et comme m' népouse al n'avot fait , sin frère d'Aniche i nous rindot visite al mason et comme i adore el tarte al lui avot fait d'el tarte al pomme et al rhubarpe.
A tous j'vous dis bon appétit et i n'aura pour toulmonte. Adé mes gins.

i m'reste pus qu'à vous mette l'arcette del tarte, attintion ch'est m'n'arcette et ale est ptete pon courante mais os pouvez toudis essayer
cha s'rot putôt comme un clafoutis dijons
donc j'fais pas cha dins un eune tourtière bin sur mais dins un grand plat in pyrex, très grand souvint ..

prinde eune sorte d'bocal in plastique , ginre Tuppevoire que ch'est pratique ..... et os mettez là d'dins dins l'ordre , 4 oeufs cassés un à un , 1/2 litre de lait , 100 g de farine , 100 g de sucre
et après os ajoutez chés tiots morciaux d'rhuparpe qui ont été préparés avant bin sur , j'vas ptete pas vous espliquer commint qu'in fait cha ...

in met ch'couverque à ch'fameux récipient Tuppevoire ... ou aute et in s'coue, in s'coue bien qu'tout seuche bien mélangé , et après in verse comme cha dins ch'plat in pyrex
bon souvint j'a gramin plus d' rhuparpe que ch'pot i peut in contenir , forchèmint , donc el reste j'el rajoute après avoir versé l'mélange, après j'mets core du chuque in poute par au d'sus et pourquoi pas del cassonate si cha vous dit
et in fait cuire inviron 40 mn Th 7 ou 225 degrés

mi c'qui m'arringe dins l'recette ch'est qui a pas d'pâte à faire .. et ch'est aussi bon qu'el tarte, enfin j'treuffe