rue Raymond Deruy et de Denain achteure

c' qui cange achteure quand qu on passe dins ch' quartier là, d' abord ché l' grante saignée qui y a , avec l' abattache d eune partie du coron
pi surtout in vo pu grand monte, faut dire aussi que ch' te rue, ale éto dinl' temps d eune sacrée animation , infants qui juottent au footbale au milieu del' rue, personnes qui s ' interpelottent ed mason à mason, discussion inter ché zommes dins ché gardins in parlant d' leur routes ed carottes ou d' porions ......
eune femme qu ale ramone ed' vant s'mason , haut d' porte ouvert qui laisse passer l' odeur d eune soupe ou l' son d' eune télé, ou d' eune engeulate ou d' un fort rire , l'io d eune lessiffe toute savonneusse qui dévale ché caniveaux in passant d' vant chaque intrée d' mason, l' klaxon d' un marchand ambulant , un sifflet d' jones, eune bagarre ed gosses, des infants qui doiftent rintrer tout d' suite à mason, in gamin qui s' fait ingueuler à freuner comme un ébeulé avec sin vélo, eh in n est pas les rotchilde ichi, quand qu' t aura pu d'pneu, compte pas sur mi pour t in racater des neuffes, roulée d' cigarettes au coin del bouque, casquette armisse vers l arriere pour gratter sin front, son' rie del sirene à midi, ponctuée par l odeur d' l ale qu in fait cuire avec ch' bifteck frites ........

tout cha j l ai pas artrouvé, faut dire qu avant ché rénovations , tout ch' quartier y a été vidé d' ses habitants, eune sacrée population quand meme, pi aprés ché rénovations, ché comme chi chéto pu les memes gensses qui sont v'nus habiter ichi, in vo pu d' gardin cultivé, i parait qui zont pu que l' dro d' mete du gazon
pu d' bruit, chacun as' mason .........