j'etos in train d'em noïer !

Pour mi, l'piscine ed Sains ch'est l'indrot du qu'ch'est qu'j'ai manqué dé m'noïer.... j'in garde pont ed bons souv'nirs !
Ches filles , al'z' allotent auchi à l'piscine ed Sains à vélo : ch'étot l'pu près d' Grenay
avec queques copines in a fait l'voyache, eune fos pour vire, et eune aute fos pou apprinde à nager
in étot eun' tiote bande ed Grenay, tout disposée à acouter ch'mait'-nageux
i nou met in ring d'oignon, su'l'bord, et i nou dit ed 'nou j'ch'ter ed'dins l'iau, qu'in verrot qu'in peut pont s'noïer.....
Sauf que mi , (j'sais toudis pon c'qui est arrivé) j'em su assomée su quequn et ches autes i étotent armontés qu'mi j'étos cor dins l'fond d'ech bassin, et i avot d' l'herpe ou del mousse verte pas seulmint su l'planque qui servot d'tremplin ! , jé l'vos incore !
in m'a vue, in m'a arpêquée, et ch'mait'-nageux i a eu du mau à m'faire rassaquer l'iau qu'j'avos avalée , i avot eu eun' frousse monumentale, et mi donc !

Inutile ed' vous dire qu'j'y su pu jamais allée ! et qu'j'avos d'pu c'jour là, eun' panique terripe ed l'iau ...
Pou l'tiot histoire , j'ai ressayé quind j'étos étudiante à Lille , et j'me su sauvée del piscine vite fait....

In parlot d'Merlimont l'aut' jour : i avot eun tiote piscine : "ches PINGOUINS"
tout tiots , m'z'infants i z'ont appris à nager, j'voulos pas qu'i seuchent comme mi.... et z'allez rire : j'devos et el' seule femme d'em n'ache à m'mette dins l'iau pou apprinde avec eusse
j'ai donc appris l'nache à 30 ans mais fallot qu'j'euche pied (dins ch'tiot bassin, ch'étot pas dur avec 1,50m d'iau )... et j'ai toudis eu peur!
Pou l'tiot histoire , ech sais nager achteur: j'ai pris des cours d'aquaphobie , et j'vais à l'piscine tros fos par semaine, ben continte ed' suiv em' n'homme dins ch'grind bassin in ayant pu peur d'em noïer !