Les jardinsParis-Roubaix !
par TIOT RITAL le, 21/04/2007PARIS - ROUBAIX !
Paris Roubaix, el belle course cyclisse,
l'infier du Nord dis'té les jornalisses !
Plein d'gins i vont à l'trinquée d'Arinberg,
incourager les courseux din leu galére !
" Les z'eux v'là ! i sont fauqu'à qu'un ! "
crie, perqué su un ape,un gamin
In tiéte, des motards rambuqu'te du klacsonne ,
estriquant el bordure et les personnes !
Un coureux écappé, plein d'berdoulle,
i passe rad'mint, applaudi pa el foule !
D'riére li, tégant comme des démons,
arrif'té les courseux du p'loton !
Kervés d'kilométes, acrapis, affierts
i berloqu'té su l'quémin d'l'infier !
Ed' greux tahus crach't'eine rigodée
qui rind l'quémin déglichant et imbué !
Les courseux macaveules pa l'z'espitures,
cach't'el mitan d'chés biqueux pavés durs.
Pasqué roler su l'berdouilleux côté,
ch'est seur'mint kéir* ou s'inraquer!
Berdouff ! Un coureux i'a dégriolé !
Gampes in sang, marronne agimolée,
machuré, i s'arliéfe si écrampi,
qu’i’est arparti drot su Paris !
I'a fait bourler din s'terripe chute,
d'z'itaïens ,batafes et flahutes !
Vélos touillés, courseux su l'pavé ,
Motos, carettes ,n'peuv'té pu passer !
Ch'est Paris - Roubaix ! l'symbole d'not' région!
Forche, corache ,volonté , émotion !
Tiot Rital
