Les jardinschés wagons !! ach'pont du cocorico
par annie62110 le, 11/04/2007j'vous ai déja parlé de ch'pont du cocorico à Fouquiéres, i permettot ach'carbon d'transiter de l'fosse 6 à chés deux lavoirs, ch'nouviau in haut de l'cité Ste Barbe et ch'vieux carrémint à l'opposé in haut de l'cité qu'in app'lot l'grande Souchez
nous chés gosses in avot un jeu , comme chés trains i passotent such'pont tout l'journée et dins les deux sens, in faigeot des paris su l'nombre ed wagons qui tirotent derriére eux, ch'étot pas toudis évident si ch'train i r'passot à vide i n'avot gramin d'plus
in connaichot méme chés chauffeurs ed locomotive qui nous faigeotent des tiots signes in passant, not' vie d'infant al étot rythmée par chés trains
in grandissant cha allot mais je m'rappelle qu'in étant plus tiote j'n'avos drol'mint peur
aujourd'hui y'a pu d'pont et pu d'trains in appelle cha l'progrés !!!
Bonjour à tertous, mi j'me souviens quand j'allos ach marché avec maman , i fallot deschinte l'rue d'la plaine et passer in d'ssous d'ech pont d'el fosse 1 de Liévin
i a une photo d'el rue Couturier s'uch site et in i veyot ch'pont , bin vous savez j'l'rameno pas d'trop quand ch'train i passot au d'ssus avec tous chés wagons, cha trannot d'partout et j'vous dit pas l'bruit qu'cha faisot.
l'pire ch'est qui fallot arvenir aprés et ar'passer d'nouveau in d'ssous.
je vous joins des photos du pont du Cocorico à Fouquières lez Lens :
1ère photo : avant sa construction
2ème photo : en production
3ème photo : après sa destruction
( 3 photos) 
