ein p'tit peu d'technique, la télégrisoumétrie

Bien l'bonjour mes gins.
Avant d'parler ein p'tit peu d'technique, vendredi matin, j'ai vu min camarate Bébert. Figurez vous qu'in à fait l'tour d'Bruay et maîme qu'in s'est ar'treuver à St-Venant. Faut l'faire in étant in Alsace!

Bon asteur, in va parler d'note sujet.
Si, ch'est savoir à quelle fosse appartient ch'poste d'télégrisoumétrie, y a qu'Joël qui peut l'dire. In tout cas, ch'est pas ch'ti dé l'fosse 5 d'Bruay (ou Divion). Du moins j'cros.
J'vas essayer d'expliquer in gros c'que ch'est.

Ché ein enregistreur à rouleau d'papier. Ch'rouleau i s'déroule selon l'date, l'heure, l'minute et la s'conde. V'là l'partie jour.
Au fond, tous chés quartiers ont ein réseau de capteurs de grisou raccordés à eine boîte spécifique à chaque quartier.
Tous chés quartiers forment ein réseau et y sont raccordés à eine boîte principale qui elle, est raccordée à ch'l'enregistreur par ein cape qui ar'monte din ch'puits.

In gros, cha donne l'teneur in grisou in temps réel dins z'ein traçache, eine talle ou maîme dins l'retour d'air d'tel quartier.
Si l'teneur al'dépasse l'seuil d'sécurité, cha déclenche eine alarme.

Chétot dévolu à l'securité alors que l'télévigile i étot dévolu à l'marche d'chés machines donc principalemint à l'production. Ch'est l'maîme schéma que l'télégrisoumétrie sauf que, au lieu qu'ça seuche des capteurs, ben ch'est des relais qui donnent l'information de la bonne marche ou l'arrêt de telle machine dins tel quartier.

J'espère avoir été assez clair din mes explications, faut vous dire qui y avot eine équipe spécialisée et qu'j'in faisot pas partie. Tout cha ce n'sont que des souv'nirs de 34 ans, et, in peut toudis m'arprinte.
Et ben mes gins! Asteur, ch'est l'heure d'la croûte! J'vous souhaite ein bon dimanche et à ++++++.
PS: faut espérer qu'Lens i gagne à Auxerre c'soir.


NB de Marie-claire : je mets le lien vers la photo postée par joel, du poste de télégrisoumétrie en surface
Le poste de télégrisoumétrie en surface