Les jardinscha fra bétot 40 ans
par annie62110 le, 08/03/2007ch'est in ravisant eune pub à l'télé, qui m'est r'vénu que l'jour ed min mariage j'avos failli pas pouvoir mettre em'n'alliance
cha faigeot six ans que j'travaillos et j'avos jamais vu eune feuille ed maladie, j'auros été incapape ed dire commint qu'chétot, l'première ej'vénos juste de l'vire quand j'avos passé m'visite prénuptiale, bin je m'douto pas que l'deuxiéme al allot arriver aussi vite
eune dizaine ed jours avant d'passer d'vant monsieur l'maire, j'ai pris em'main gauche din les rouleaux d'eune peigneuse et ch'dogt l'plus abimé chétot m'n'annulaire, in a méme du me l'désongler, j'avos des dogts comme des tiotes saucisses et bin sur l'premiére chosse que j'ai pinsé ché j'pourrais pas mettre em'n' alliance
in a quand méme été les caire mais l'essayache y'a pas été facile, et d'puis des zannées m'n'alliance al est trop grande, j'sus obligée d'mettre eune bague d'vant pou pas l'perdre !!
