à La Napoule en 1955 (1)

Pour partir à La Napoule in a pris ch'bus et ch'train à Douai, in est parti in fin d'après-midi , y avot un train complet.
Comme l'famille cha féjot 8 , in avot un compartiment pour nous
In est arrivés au matin et quand ch'train i a arrivé in gare i a queu eune averse d'orache , quand in a arrivé à ch'catiau avec nos valisses in étot tout fraique, in ronchonnot
A tape in étot tout au fond de l'salle à minger.
l'midi à l'apéro i fallot acater des jetons in payot avec cha.
chétot l'époque où in comminchot à boire un ricard l'diminche.

In a fait presque toutes chés excursions
Vallauris in a acaté des poteries, Monaco ch'catiau in l'a visité et in a fait s'photo d'vant, ch'photographe i nous a pris chétot la relèfe d'la garte cha fait un biau arrière plan.
et pis Valberg, Castellane, les gorges du Verdon l'pont d'la mariée in a fait tout cha.
in ville in a été à mo Pépino, un bistrot chétot incontournape y avot des lampes d'mineur accrochées à sin plafond.

Et pis chés américains avec leurs grosses bagnoles i n'avot plein, et des marins vu qu'y avot des batiaux dins la baie
dins toutes les excursions in arquéiot sur eusses.
à Valberg j'ai été picher dins in coin i n'avot qui étotent au dessus d'mi sur inne terrase d'chalet i m'filmotent et y riotent comme des bochus, cha m'a pas fait rire.

In acatot chés photos d'chés excursions, ch'photographe i choisissot bien les meilleux coins pour les faire

Y a eu aussi miss Agecroft, l'élue cha été une jeune mariée et cha a fait des histoires

In étot beaucoup trop bien des vrais rois et s'artrouver 15 jours après au fond in s'pose des questions su c'qu'in est

Avoir fait un séjour à La Napoule ch'est comme un tatouache t'es peux pu l'inlever