Les jardinsin a tué l'cochon
par annie62110 le, 01/03/2007dins les zannées aprés guerre, ch'mineur i travaillot gramin, mais pou s'nourrir correctemint i manquot d'tout
fin 1947 papa et un d'ses copains i zont réussi à acater un cochon, l'acater cha pas été facile mais l'ram'ner à vélo dins eune tiote remorque , j'vous dit pas !!
arrivés al maison i'a fallu l'déchinde al caffe pou l'tuer cha ché grand'pére qui se n'est chargé, mais l'biéte al gueulot tell'mint qu'pour couvrir ch'bruit min pére y juot du saxo (i'eto bon musicien), mi j'éto tiote et j'avo peur de ch'saxo j'hurlo autant que ch'cochon
bref si i voulotent cacher à ché voisins c'qui faigeotent chétot raté
quand i'a fallut l'découper i l'ont r'monté de l'caffe de l'cuisine à mémère
chéto eune vraie bouch'rie, pou m'faire taire i z'ont fait cuire eune cot'lette, i m'ont assise sur eune couverture et i parait qu'in m'a pu intindue, j'mingeo tranquill'mint m'cot'lette
chelle qu'al a eu du boulot aprés ch'est mémére al a fait des patés, du saindoux, des conserfes, comme dins ch'cochon tout i est bon al bin travaillé et toute l'famille al n'a profité !!!
pour cha l'mineur i'étot pas riche mais i'étot débrouillard, core longtemps aprés , j'veyo papa tourner des patés d'viante ed foie ed tte et croyez me y z'étotent fameux !!
j'comprinds qu'té brayos, ché horripe l'cri du cochon qu'in égorge, mi j'a vu dins chés sinces à Enquin les Mines
ach't'épopque là chés sinciers i tuotent eux-même leux cochons aussi , cha ch'est pus possipe ach't'heure, pourtant y avot pas d'congélateur, i mingeotent du cochon tous les jours et i n'ont jamais été malate, mais cha ch'est un aute débat ...
