Les jardinsHier ch'étot Mardi gras et l'anniversaire de ch'site.
par loumarcel le, 21/02/2007Bonjour à tous,
hier ch'étot la fête pour tertous, aussi bien pou l'carnaval que pou ch'site ichi, bin nous in a été vire l’carnaval à Pézenas pour vire ch’ « poulain de Pézenas », i fait parti des « géants portés » comme « Gayant » et s’famille ainsi que tous les z’aut’, i est minme vénu dans l’nord in 2006 pour défiler avec tous chés « géants » et i fait parti d’pi 2005 du patrimoine ed l’UNESCO. I fait parti d'chés invités d'nou région. Comme dins l’Nord-Pas de Calais i fait parti de l’tradition.
I est porté par neuf hommes, i tourne, i danse, ichi à Pézenas i bot dins l’fontaine (i met s’tiète dins l’iau) et après i s’esscout et i arrosse tous chés gins qui dans’nt autour ed li au son des tambours et des fifres.
I est guidé par un homme habillé in rouch’ et blanc, passe que in d’sous i votent rien, i a pas d’lucarne pour vire d’vant. I sont guidés au bruit par in genre d'tambourin sans piau, qu'aves des cymbalettes, et cha fait du bruit aigu.
Bin ch’étot à vire, cha valot l’coup.
