Retour à l'Bussière (suite)

D’note dernière visite de l’Bussière, L’aute jour in s’a quitté à l’école d’chés garchons
Pas’que BJP i voulot pu monter pu haut ! intre nous : « in dirot pas qu’ché ou putot qu’chétot ! un grand sportif ! Basket – ski d’fond - normal pou un mineur, ! et à vélo ! à yaie yaie ! vous l’érotes vu passer in 1er l’col d’la Charbonnière
Dins l’grand prix d’la Montagne des singes ! N’riez pas, in Alsace y n’a gramin ! Bon ché pas toute in est core à même plache ! allez in déchind à l’églisse St Martin.

J’peux in parler un peu pasque j’y allo au cathéchime et alle messe et aux vèpes ! D’min temps, ch’curé (l’Abbé Tourbet) assisté d’temps in temps par l’Abbé Rignoux. On devot aller à l’messe tous les diminche, such’ carnet Mr l’curé i marquot : » 5 pts et 15pts pour les vêpes et cha comptot avec l’cathéchime , pou l’classement à l’communion ! in plus, j’y éto infant d’chœur un bon momint et fallot in vouloir pou v’nir servir eule messe eud 7 heures in semaine ! (mi qui armonto d’eule centrale !)
Eune foé, tous z’infants d’chœur, on étot invités à minger au presbytaire aveuc d’autes Curés et ch’Doyen d’Houdain, là i m’a d’mandé si j'voulo rintrer din les ordres ! Voyez que Bébert chétot un garchon sérieux ?
J’ai dit à Mr l’Doyen que j’allo y busier ! mais i attint cor eum réponse. Y est vrai que cha payot pas des masses ! Cha s’rot acht’heure ? ya pas à dire i font au pu simple !

dinl’temps i fallot réponde, lire et canter (dés fois , on marmonot ben n’importe quoi ) in latin ! eul rituel i étot pas simpe. Acht’heure, n’y a pu tel'mint eud’différences eud’classes sociales, J’parle pas d’chés stars !)
mais j’eume souviens que pou l’mariache d’eulle file d’un gros cinsier, cha s’passot à 10h du matin aveuc ch’tapis rouche alle porte d’euche l’églisse, et chés cloches à toutes volées, tandis que z’ouvriers chétot eune simple bénédiction à 17h après la mairie ! Bah ! i z’étotent aussi mariés !

Chés candelles d’communion ! cha allot d’1 à 3kg , y a des jones qui arrivotent pas à l’porter ! à z’inter'mints y avot chés tentures à chés portes ou pas, l’cherceuil arcouvert aveuc ch’grand drap noir et chés gens bien i ténottent chés cordons du poèle !

pou un baptème fallot payer selon l’sonnerie pu ou moins longue ! y avot méme un Curé des environs qui arfusot d’sonner chés cloches si ch’l’infant i avot pu d’neuf jours ! Acht’heure i sont ben pu cools, mais y a pu grand monte qui va al' messe quant y n’a eune !

Bon ! on va arrêter là pou aujourd’hui im sembe qui n’a qui dortent d’sus leu cayères , c’pendant cha n’étot pas dur aujourd’hui ? J’vo c’que ché qu’précher din l’désert ! mais j'connos , j’sus un ancien saharien et la bàs, n’y a pas d’café d’l'églisse.

Cher Bébert
Ch'est vrai q'min frère chétot un grand sportif. i a jué au basket 1m86 i a été arcruté d'office dins ch'l'équipe. Et pis après cha été mi, 1m90 et pis après min dernier frère, 1m92.
y avot aussi des boxeux din'l'famille et même un cousin lutteux.

Etant tiot min dernier frère et pi mi on faijot du ski d'fond sur ech terril du 5 et d'inche bo du vieil fort (dins' l'cité 34 et facheux quartier des andoules).
Dins ch'temps là y avot del'neiche. L'été on allot même nager al'mare aux canards. Chétot près del'silo d'Houdain. Eh ben ouais on étot des sportifs dins note famille (rires !!!)
A béto