el rhubarbe

tout gardin d'mineur qui s'respectot y'avot sin pied d'rhubarbe
in l'trouvot bin installé dins un coin dù qu'in savot souvint pas quoi planter
et i rimplissot bin sin bout d'terre avec ses grindes feulles vertes et ses batons rouches

sur eune planque à l'escalier d'caffe dins gramin d'maisons in ringeot chés conserfes et ché pots d'confiture,
et chelle al rhubarbe al y étot in bonne plache, faut dire qu'in aimot tous cha
mi c'que j'préféro ch'est l'mélange avec des fraises, ou alors l'tarte passeque la l'rhubarbe al éto moins chucrée et mi j'avo ker sin tiot gout suret y m'arrivot d'in minger crue, tous chés infants des mines, i zont sur'mint pas oublié l'tartine al confiture ed leur quatre heures !!!!

ben Annie, té parles del rhubarpe au passé , ben non mi j'a toudis un pied d' rhubarpe al mason
quand j'sus arrivée cha faijot partie d'chés incontournapes qui fallot planter avec chés pieds d' groselles rouges, roses et même blanques et chés cassissiers et surtout surtout chés framboisiers

bon j'a eu du ma à avoir del rhubarpe j'dos l'avouer, j'sais nin pourquoi , j'a planté jé n'sais combien d' pieds dins ch' gardin, peu d' temps après y avot pu rien
donc chés pieds d' rhuparpe , saisons après saisons i zont fait l' tour dech' gardin, rin à faire , n'importe dù cha déperrissot toudis

un cop jé n'a eu assez, j'a mis ch' pied d'vant l' mason , ch' gardin y est derrière, bien in vue à côté del porte d'intrée ... et là miraque, i a du s'plaire et i est fin bien parti
achteure quand ch'est l'saison i est énorme
d'ailleurs ch' t'année comme i fait pas trop fro , i est d'jà arparti
mi j'fais pas d' confiture mais del tarte et j'sus comme ti j'a ker ch' gout suret del rhubarpe