Les jardinsjuer in famille
par annie62110 le, 09/02/2007aujourd'hui la plupart d'ché zinfants sont d'vant l'télé avec eune manette dins les mains y'a pu d'convivialité dins l'façon d's'amuser
dù qui sont chés jeux d'l'oie, ed dadas, ed dames, ch'nain jaune, ch'loto, chés dominos, ch'mikado, ché jeux d'cartes (bataille, manille, manille découverte, belote, puant etc)
in passot des soirées autour de l'table à juer intre infants, et souvint chés parints i s'y mettotent et chétot pas les moins acharnés, in passot des bonnes soirées, in riot bin, et in veyot pas passer ch'temps
mi j'cro que l'famille al étot plus soudée, mais cha ch'est min point d'vue personnel !!!!
Mi j'jue gramint avec min p'tit fils, 5 ans, et s'cousine du même âge quand y viennent nous rinde visite.
Comme ej fréquinte chés puces toudis à l'archerche de cartes postales j'in profite pour acater, oh pas cher, des tiotes figurines, des personaches qui sont dins chés oeufs "K..." ou autres.
Et cha leur fait des lots qu'ils gagnent quand in joue au loto. Ch'est drôle mais ch'est ch'jeu là qui préfèrent. Allez savoir pourquoi !!!
