Divion , Chateau Foulon et cité du Transvaal

J'm'excuse auprés d'Minloute pour avoir fait ein clic droit su s'carte postale mais comme ej'voulo y faire ein p'tit commentaire, j' ai trouvé qu'chétot plus facile pour mi
j'ai mis des N° su l'photo. Si ej'fais des erreurs quique par, faudra m'arprinte pour les gommer (Chés erreurs). In y va :

In N°1 , ch'est bien l'chateau Foulon . Mais el'cité du Transvaal al s'troufe in suivant l'route numéroté 4 dins l'sens del'flèche ( Normalemin, in dot arriver al'rue du Transvaal ).

In N°5 , ch'est l'route départementale 341. AL'mène à Houdain . Cha déchint su 200 ou 300 mètes et là, su l'gauche y avot eine ferme et après l'ferme y avot ch'cathéchisse .

In N°6 , ch'est ch'coron du qui restot Mardep ( si j'ai ben compris ) . Ch'est l'rue Jean Jaurés . In l'appelle aussi l'côte dech' fond d'Divion ( Pour ein peu , in verrot ch'clocher éd'l'églisse ).

In N°7 , ch'est ch'quemin qui mène à l'Clarence , à l'cité 30 , et à Calonne.

In N°8 , cha dot éte l'croix d'grés , du qu'y a chés peupliers , ch'est ch'monument aux morts .

Asteur , in n'in vient à chés N°2 et 3. Ch'est l' école du Transvaal. Ej'y été de 1949 à 1955 .
In N°2 , chétot l'école éd' chés garchons ( à gauche del'photo , ché celle éd'chés filles ) .
Al'recréation , in samusot à s'courrir aprés autour dél'cour . El'limite chétot chés arpes ( des tilleuls ) .
In N°3 , ché toudis l'école ed'chés garchons mais chétot l'classe à Monsieur Lemay ( din z'ein précédent artique j'ai déjà expliqué qui chétot ).

Y aurot cor à dire , mais j'pinse qui n'a qui vont printes l'relai .
Ben v'là ! Encore toutes mes excuses à Minloute pour avoir ar'copier s'photo .
A bétot mes gins .

Bonjour
J'ai moi aussi connu le cinéma REX à côté du pont des Imbéciles à HOUDAIN. Le fils du tenancier était un de mes copains mais je ne me souviens plus de son nom et prénom. Si vous pouvez me rafraichir la mémoires merci beaucoup.
signé BOXER Man