Les jardinsau temps du noir et blanc 2
par minloute le, 30/01/2007in allo au cinéma , et une chosse qu in vo pu achteure, vu qu in n est abreuvé jusqu à nos zoreles mais qui éto vraimint interessant ach' t époque là , chéto les zactualités
et in trouvo pas drole ed vire su ché zécrans des imaches d év'nmints qui pouvotent avoir eune semaine ed décalache , pi l' musique qui accompagno ché sujets , chéto souvint grandiloquent .........
à part ché flimes, nous ché zinfants in avo dro, cor fallo qu' ché parints i nous l' paye, i avo des séances du que chéto nin un flime qu in passo , mais un grand arportache sur un pays, ou sur eune expédition, flime in couleur, souvint commenté in direque par chti qui éto sul' péllicule, mi j' me souviens del ' famille mahuzier qui éto passée au cinéma colisée
à l entraque in allo acater ch' bouquin , oh nan, plutot eune plaquette avec eune paire ed photos , qu in ram' no l' lend'main à l école , aprés avoir l' veile raconter tout ch' flime à nos parints
voir photo ci jointe
( 1 photos) 
