Les jardinsl'tindage à monios
par CH'GRAND le, 23/01/2007qui ch'est qu'ia connu l'tindache à monios. In mettot un tarin , un lino ou un ecardonnette dins eine gayolle pour qui siffte et qui fasse el'rappel.
Leux camarates y s'posotent et in détindot ch'filet pour z'attrapper.
in ya passé d'zheures surtout l'hiver.
Mi ch'grand , j'conno l'tindage à monios . J'l'ai pas pratiqué mais min pére avec sin camarate Henri , y z'ont fait qu'cha pendant ein grand momint .
Mais eux , chétot pas avec des filets qui les attrapotent mais avec des baguettes éd'joncs qui z'induisottent éd'glu . Souvint, chétot ach'bo du "Vieil Fort" qui tindottent . Tout cha , ché loin . Cha date dé l'fin des années 1940 , début 1950. Aprés cha , y s'a mis à ché coulons .
Au fait , j'ai eine question à poser , cha n 'a rien à vir avec l'tindache à monios ,mais cha s'serot quand maimme
intéressant d' savoir .
In dit : attrapotent ou attrapétent
In dit : induisottent ou induisettent
In dit : tindottent ou tindettent
Etc...Etc.....Etc...........
j'éto pourtant tiot mais j'em'rappelle bien qu'min père yallot tinde à monios.
i faijot del'glu, eine sorte ed'colle qui méttot sur des fines tiches vertes, eine sorte ed'joncs. i les posot sur des aillures et avec es'système là i vénotent es'coller. i prénot des écargonettes. yallot du coté d'ech bos du vieil fort à Divion.
Nous autes, ché gamins on appelot cha el'plinne. Chétot derrière el'cité 34 (el'quatier des andoulles).
A béto
Quand i faisot s'glue avec sin camarade Henri, jé n'sais pas que mixture y faisotent mais ch'principal ingrédient, chétot d'l'huile de lin.
I faisottent bouillir cha sur un pied à gaz. J'vous dis pas l'odeur que cha dégajot.
A bétot mes gins .
