Les jardinsaur'voir monsieur l'Abbé
par annie62110 le, 22/01/2007ch'matin comme gramint d'gins, j'ai l'coeur gros, l'Abbé Pierre y nous z'a quitté, y va enfin s'ar'poser
tout' s'vie y s'est battu pour que ché gins y dorment pas din les rues
d'puis s'n'appel ed l'hiver 54, chés nantis y zont pris conscience de l'misère
et l'manque ed log'mints y'est tel à ch't'époque là, qu'autour d'ché grandes villes y'a des bidonvilles ou chés malheureux s'intassent ou des zinfants meurent ed fro
et l'Abbé ché un des rares à avoir essayé d'faire quet'cosse, et y'a réussi à r'donner l'gout d'vivre à des milliers d'gins, y s'est battu pour chés pauvres conte l'exclusion, ché expulsions, s'vie chétot les zautres
mi j'gard'rai l'souv'nir d'un homme humble, un compagnon d'Emmaüs, eune longue cape noire, eune soutane, un béret et eune canne qui faisotent partie du personnage, bref un grand homme qui a passé s' vie au service des zautres
Dieu vous garde monsieur l'Abbé !!!!
Y a rien à ajouter Annie, un Grand homme comme in in rinconte pas assez, d'ailleurs i dijot li minme quand y étot toudis in tête des sondaches d' popularité d' chés français, in 2004 i voulot pus ete dins l' panel et y a dit qu' achteure qu'i étot viux qu' chétot à ceux qui l' plaçotent au sommet d'ete à leu tour formidapes ..
