Les jardinsl'orache
par annie62110 le, 18/01/2007aujourd'hui ché la tempête su l'nord d'la France et ché là qu'in vot que ch'temps y'est imprévisible et quéqu'fos dangereux
j'avo 11 ans et comme tous ché dimanches j'allo à la messe, l'année d'après j'devo faire m'communion, et pour aller à l'église y'm'fallo traverser tout Fouquiéres, in étot au mos d'juin et y faisot déja bin caud
in sortant de l'messe tous ché gins y zont étés surpris par l'couleur du temps, chéto sur y allot faire ed l'orache
quand j'ai vu cha j'ai pris mes tiotes gambes à min cou, j'éto pas rassurée
arrivée à mi qu'min cha a comminché à dégringoler, j'm'sus mise à l'abri dins un coin d'porte, j'in m'no pas larche
et tout d'un coup y'a eu un d'ché z'éclair qui est queut din l'quéminée de l'maison in face, je l'ai vue voler in éclats, ché briques chéto des vrais projectiles
et l'porte dù que j'm'étos abritée al s'est ouverte, quel'qu'un m'a tirée dins l'maison, à eune paire ed secondes prés je preno cinq ou six briques, j'l'avo échappé belle, ché pour cha que je m'méfie du mauvais temps !!!
