Les jardinsy v'notent du maghreb
par annie62110 le, 17/01/2007din les zannées cinquante ché houilliéres al zont fait construire à Fouquiéres, dins l'impasse à coté de l'boulang'rie Coillot, el long du ballast de l'voie ferrée qui allot au lavoir, des batimints, j'arriffe pas à app'ler cha des maisons ,pour ché travailleurs nord africains
tout cha s'est fait din l'contexte de l'guerre d'algérie, inutile ed vous dire que pour la plupart des gins y zétotent pas bienv'nus
y vivotent din leur coins, in les veyot accroupis d'vant leurs baraques quand y travaillotent pas, ché zinfants y zavotent pas l'drot d'juer par là, personne leur parlot, c'qu'y fait qui devotent s'sintir bin seuls
les jours ed quinzaine in les veyot faire el queue à la poste pour invoyer des sous dins leur pays, combien d'fos j'ai intindu "y viennent travailler in France et y zinvotent tous leurs sous din leur pays", seul'min ché zhommes là y zavotent laiché leur famille dins leur pays et y fallot bin les nourrir
j'cro pas qui zont gardé un bon souv'nir ed la France et d'ché français
faut dire qu'y avot gramin d'app'lés qui partotent in Algérie et pour chés familles chétot pas facile
mais je m'rinds compte ach't'heure qu'eune situation comme cha al nous z'apprenot l'racisme ordinaire ch'ti d'tous les jours qu'in trimballe sans trop s'in rindre compte in digeant "raciste mi!!! ah bin non alors"...
