l' ret'nue d' min père ...

y a des coups quand qu in parlo d' histoires sur bruay, ou des souv'nirs des' n enfance, i resto lucite , et i s' laisso pas influencer par l' sentimint général, ou les idées conventionnelles qui circulottent dins ché journeaux

j' me souviens qui éto très critique sur les rétrospectiffes dins ché journeaux sur des faits historiques

j' me souviens qui ralo in arlisant des zartiques publiés dans la voix du nord rap'lant des faits qui s'sont passés durant la seconte guerre mondiale

d'abord l' resistance, à arlire ché zartiques, y avo eu eune sacrée resistance à bruay durant la guerre, cha l enervo, i dijo humblemint qui y avo pratiq'mint pas d'armes in circulation et qui zaurotent été bin incapapes ed sin servir

i m avo surpris quand que j y parlo d un resistant qui s éto fait arrété avec eune arme et qui avo été fusillé, j pinso qui allo aller dins l' sens d'l artique , nan , i a dit "que con chtilale, as' balader avec eune arme comme si in' n éto fier, i s a fait arrété par ché zal'mands et comme chéto la fin d' la guerre , i zétotent plutot enervés",
j dis cha pasque ché li qui m a dit cha , intégral'mint, sans vouloir par ech' t artique là , peiner ou polémiquer avec l' famile de chte personne

parel , i avo un artique sur l' fait que ché ss i sont arvénus à mon d' l hotel de ville juste avant l' libération, pour libérer des collegues prisonniers
i liso l artique del voix du nord, et i rigolo, vraimint qui dijo cha n a rin à voir avec l' ambiance qui i avo ach' momint là, mi j y éto dins l' hotel de ville, et i avo un sacré touillache , d ailleurs mi j a d'mindé si i avo pas eune mission d' renseignemints ou d' messaches à faire passer à d autes resistants, ché pour cha que j a quité l' hotel de ville juste avant qu' ché zal'mands i s' ramènent à nouvio

oh pi té sais , i dijo, in n' a eu des resistants ed dernieres mineutes ....... chéto la chasse au brassard, des gins qu in avo pas vu durant tout' el guerre qui faijotent des ronds d' gampe eune fos qu' ché anglais i soient arrivés dins bruay

ché drole mais in lisant l'article, j'ai l'impression d'intindre min pére quand y parlot d'ché résistants d'derniére minute, qu'est qui pouvot épiloguer là d'sus, et surtout s'énerver !