Les jardinssul' line Arras Béthune
par minloute le, 04/01/2007cha y est ch' train y ardémarre, in quite arras, ville que j a jamais vraimint eu ker, et pas seul' mint pasque j y a fait eune partie ed ' min service militaire,mais in s' sint pas dins l' pas d' calais là bo , in tout cas in est loin du bassin minier
pi rapid'mint in les vo ché terrils, machinal' mint in s' rasso bin dins sin fauteul et in ravisse
in ravisse la monotonie des paysaches, des masons, pi ch' train i s arrete souvint, mais que ché triste l' gare ed bully grenay et que dire de celle ed noeux
sul' gare de noeux ché cor écrit noeux les mines, un des seuls vestiches, avec ché terrils et ch' musée au pied, d' l activité miniere
pi vla béthune, oh parel, ché nin eune ville du bassin minier cha, oh ché vrai y avo eune compagnie des mines ed béthune mais y avo pas eune mine sur sin territoire, chéto les mines situées du coté d' noeux
ville bourgeoisse , ville ancienne, bin que j a sinti ou plutot in restant modeste i m a semblé qu ale perdo d' eus' superpe , ché commerces i ferment aussi, tout comme bruay ché ché commerces ed l ancienne rotonte et pire cor la porte nord ed bruay qui canibalise tout
bon in print ch' bus, in passe hesdigneul et là bruay est in vue, et là in a invie que l' bus i passe vite ch' carrefour des quat' chemins , tout cha pour aller embrasser s' manman
