Les jardinsle respect du traval
par minloute le, 03/01/2007min grand père, selon les dires ed min père, ouais, savez y a eune paire d années j a comminché min arpe généalogique, pi l' fait del faire cha a fait arpaler min père sus' n enfance , sur ses parints , sur la vie ach' momint là, faut dire qu' min père i a vécu eune paire d années, i éto né en 1911
i m' raconto eune anecdote inter sin père et son bio frère , min grand père i a toudis eu l' respect du traval, et quand qui allo vire ses d'mies soeurs in région parisienne, cha parto toudis in vrile... faut dire que ses d'mies soeurs, chéto plutot du genre poil dins l' main, in tout cas , l' traval chéto eune corvée , et qui fallo in tirer l' meilleu pour soi, et ché patrons tous pourris qui fallo rouler pasque eux i s' génotent pas
in plus une d' ses d'mies soeurs, ale éto marié avec un arnarchiste, alors al' fin du r'pas, l' discussion cha partot toudis la d' sus, min grand père i éto plus agé d' 8 ans et cha li donno l' role d un grand frère, alors li qui avo comminché al' mine durant 10 ans , i allo passer porion quand qui a eu eune plache plus interessante comme magasinier docker à conflans ste honorine en région parisienne, il avo toudis eu un profond respect du traval, chéto plus que chaud, et min père i m' diso qui avo des coups qui s' parlotent pu pendant eune paire ed mos
bilan d' l histoire in étant l avocat du diape, min grand père i est mort à 33 ans et ses d' mies soeurs ont vécu jusqu à 74 et 85 ans ......en ayant toujours le meme avis sur le travail .....
