Les jardinsl' premier janvier dans l aprés midi
par minloute le, 01/01/2007aprés ch' repas qu in finicho bin dans les quate heures ed' mi , et ouais, fallo minger ch' bouillon, pi aprés ché crudités, pi aprés l' langue avec ché légueumes du bouillon, pi ch' gigot avec ché péteux, pi l' salate, pi ch' fromache pi ch' gatio , pi ch' café , ouf in i arriffe au bout, et meme in pourro s' dire qu à minger tout cha in peut dire qu in éto rapite
ach' momint là nous, in allo dans l' pieche à coté avec min père, min cousin et un bio frère, et in juo al' manile
nous in éto pas des joueux d' belotte, mais des jueux d' manile
pi cor, mi j avo l habitute ed juer al' manile à deux, et là quand qu in juo à quate, i fallo arprinte eune tactique ed jeu et min père à la fin des plis, i fallo qui nous raconte sin jeu à chaque coup, qui avo sin roi deuxieme, et qui avo pris mais qui espéro que mi j avo l' dix et que si j avo pas compris "quand que ché mi qui print et qu' té do arlancher bat atout, bat atout, meme si ché eune tchiote carte, mais bat atout" cha ché eune phrasse qu ale m est restée
