ah ché zetrennes

chéto cor c' qui faijo passer l'pilule qui fallo avaler, so l' lend'main, so deux jurs aprés , cha y est , in arprenno ch' cartape pour aller à l école
oh pi au miyeu du r'pas qu in faijo ché m' tante l'premier janvier au midi, y avo bin eune phrasse du genre " t arcomminche quand l école ?" ah chéto malin, in in pinso moins et cha nous arvéno in pleine guiffe

quant aux zétrennes , nous ché gosses in éto plutot gatés, chéto des sous
mais ché grantes personnes , j' les plaigno, d abord i s échangeottent des boites ed chocolat, qu in auro pu ouvrer eune succursale del bonbonniere, ch' grand magasin d' chuques d ' à mon bruay

pi i avo l' tante marie qu ale arrivo, et là chéto recta, pour m' tante et m' mère , chéto un grand plat in inox, style guy degrenne, que m' mère ale in avo tant qui s' rappelotent à nous eune paire ed fo dins l année
quand que m' mère ale ouvro ch' grand buffet del pieche de d' d'vant du qu ale méto ché bios couverts , à chaque coup qu ale voulo printe un plat , t intindo, bing banb gling, chéto l' série complète qui arrivo à terre ....
d'ailleurs ale avo tel'mint d' plats in inox qu in auro pu les arvinte comme boucliers pour ech flime le seigneur des anneaux .....
cha chéto pour les femmes
quant à ché zommes , eune cravatte , fallo pas et' voyant

mais là où j ' admiro mes parints et m' nonque et m' tante , ché qui zarrivotent chaque année à et' étonné , et à donner l impression al' tante marie que ch' cadeau là chéto l' cadeau révé d' puis d' zannées
zallez m' dire, ptete que l' tante marie, in les voyant comme cha tout étonnés et contints d' leurs cadeaux , as' diso bin l année prochaine j' racate l' meme cosse, vu qu' cha leu fait plaisir....va savoir .....