ah ché femmes ...

allez eune tchiote histoire qu ale est cor vraie et que minloute i a rin rajouté
chéto y a eune paire ed jours, j' rinte l' soir , crévé du traval, j' rinte et comme d habitute j' laisse mes godasses au miyeu d' l intrée mais là ale dit rin , bon , mi j va m assire pour minger et j' ravisse es' tronche et là instinctiv'mint , j' me dis y a queq'quosse qui va m' tomber d' sus
et là avec s' n air qui veut tout dire ale dit aprés avoir bin soufflé "ah que journée..." mi j' leffe m' tiete d' em' n assiette et là d'vant mi j' vo m' file qui minche sin youyourte et qui dit "bin manman ale a cassé s' glasse ed voiture"....
alors m' femme ale fait un sourire commercial , savez ch' ti qu on apprend aux caissieres d'vant ché clients, et là ale pouvo pu tourner autour du pot , vu que j' devo avoir des ziu comme des quequettes ed rat alors ale poursuit et c'que j va écrire ché d' l intégral

"ouais j' sais pas commint qu' j ai fait, j a été faire ech plein del' carette et j a du m' garer un tchiot peu trop prés del' pompe , in sortant j a du appuyer sul' bouton intérieur del' porte pi in meme temps j a freumée l' porte, et clac, dins l' carette i avo ch' tchien qui m' raviso avec des neules tout étonné, alors j éto coinchée, j a laissé l' carette là , l' femme derriere ale compreno rin, pi j a été à l intermarché à coté pour vire si i vindottent te pas quéquosse pour ouvrer ché carettes, et comme y avo rin alors j a acaté un tournevisse et comme ché glaches arriere ché nin électrique, j a gliché l' tournevisse dins l' glache pour l' faire déchinte, oh j avo à peine mis l' tiche que l' glache ale a pété , t auro vu l' tiete del tchien , avec tous ché zéclats d' verre tout autour , mais t inquiete j a été au garache i m ont armis un plastique , j a commindé l' vite et bin té sais i fait pas fro din l' carette té sais"......
que voulez vous dire aprés cha .....